شفتها واختلفت افكاري وضيت الوسايل

شفتها واختلفت افكاري وضيعت الوسايل
مابقا عندي بعد ماشفت قبلتها وسيله
بنت لكن غير لا وصفتها بنت الحمايل
ماخذه بالزين كل الزين وش يعني جميله
الغنج والملح مجلوط بدلال ورودحايل
والدلع والزعفران وريحة العنبر وهيله
ماياطاول زينها لا طاولن شقرا الجدايل
الكحيله مالها بالوصف ياغير الكحيله
يوم قامت كنها رمح ارتكز للي يخايل
ولامشت قامت تطوي بين خطوتن ثقيله
كان سلهم طرفها يعمل بعاشقها عمايل
كيف اجل لامنها فلت دلع ذيك الجديله
مادرت وش صار بالشاعر لمح نجم القوايل
يوم قالت له فمان الله ماغمض بليله
شال فوق اللي يشيل اثقال ماهو كان شايل
من سبايبها غدت حاله بفرقاها عليله
الخصايل كلها فيها وهي نبع الخصايل
ماخذه كل الحلا للغير ماخلت قليله
عانق عيوني خيال اوصافها ماهو بزايل
كل ماقلت ارتحل مابان لي نية رحيله
قبلها ماحارت افكاري وضيت الوسايل
وبعدها ماباقي عندي من الحيلات حيله

كان سلهم طرفها يعمل بعاشقها عمايل
كيف اجل لامنها فلت دلع ذيك الجديله


اخي العزيز الحب الكبير

ما اجمل ما خط به يداك وما اروع ما نبظ به احساسك

الله يعطيك العافيه على القصيده الجميله والرائعه


ولك تحياتي

اخي الكريم اخي وحيد الثقلين
الف شكر على مرورك المعطر
وانا جيت لجل اعجابي فيكم في المنتدى بصراحه
وان شالله اني اكون حسب الضن