نصيحة لكل ثرثار سليط اللسان !

ركـبّـت من فكري تراكيب وهجوس
اقولها والقصد للي درى به
بعض العرب هرجه غريبٍ ومنكوس
ما ياتي الموضوع من عند بابه
في السالفة يلف ويدور ويحوس
سوالفه جت بالملل والكآبة
احسن لبعض الهرج لو ظل محبوس
لا صار ما ينفع ولا ينبدى به
كلمتك مثل السهم يرمى من القوس
ما عاد ترجع والخطا له حسابه
خل اللسان بداخل الفم مدسوس
خله مثيل السيف داخل نصابه
بعض الهروج العوج تقضي على نفوس
كم واحد سبّـب بقوله عذابه
كم واحدٍ عوّد وهو حيل متعوس
شاف الندم باسباب هرج ٍ حكى به
ويعض فوق اصبعه باسنان وضروس
ويقول ياليت القدر قد غدا به
ترى العمر ياناس دقات ودروس
يدري بها رجل ٍ رشيدٍ ونابه
واللي حفظ قوله من النقد محروس
ما يلحقه لوم العرب والعيابة
وفي الختام الحمد للي له الروس
تذل له طاعة وقدرْ وإنابة
وهذي نصيحة ما ابي لاجلها فلوس
اسمع كلامي كان بالعلم تابه
الصمت للرجّـال هو خير ملبوس
يحفظ له الهيبة ورفعة جنابه !

الصمت للرجّـال هو خير ملبوس
يحفظ له الهيبة ورفعة جنابه !



صح لسانك )

تسلم ع هالقصيدة الطيبه


وماقصرت ،،، وعساك ع القوة


دمت بخير
.

قصيده رااائعه

صح لسانك ودمت بخير

[align=center]راجي الوصل

مشكور على الابداع والتالق في الاختيار

تقبل تقديري واحترامي ودمت بكل الود[/align]

كانت قصيدتي أسيرة الظلام
حتى مر عليها الكرام
وعقبوا عليها باحلى كلام
عندئذٍ أصبحت في عيني
درة مكنونة
وجوهرة مصونة
ــــــــــــــــــــــــــــــــــــــ
شكرا من الاعماق لتواصلكم
ولاهنتوا