[align=center]قصيــــده حركت مشاعر الشعار
قصيدة رائعة ولها طريقتها في رسم الابتسامه
وقوة المعنى وروعة النظم احببت ان انقلها لكم اعزائي
مع كم قصيدة لاكثر من شاعر يردون عليها
وهذه هي القصيدة والرد0اتمنى ان تنال اعجابكم
هذه قصـــــــدة استثارة الشعار واشعلت حماسهم يقول فيها
الشــــــــ(ضاوي العصيمي)ــــــــــاعر
قالوا نبي مـن قصايـدك الغراميـه
قلت الهواء والغـزل قفلـت بيبانـه
انا مـن الليلـه افكـاري أسمنتيـه
حديـد وبلـك وسمنـت وخرسانـه
ولاعاد لي هم شاغل غيـر هاذيـه
قواعد البيـت وجسـوره وعمدانـه
احلـم بفـلا علـى ذوقـي خياليـه
تكـون بيـن المبانـي كنهـا دانـه
انسى بها ايامي اللـي شيبـت فيّـه
ويصير لي مع هوامير البلـد خانـه
احلام مير الحقايـق جـات عكسيـه
واصبحت مديـون والجيـران ديانـه
وقام المقاول يهدر وتضرس اللحيـه
باحت فلوسـي وقـام يحـد نيبانـه
من عقب ماني بعمـه نعنبـو حيـه
اليـوم ماكنـي الاضمـن صبيانـه
ان قلت راع الظروف وزيّـن النيـه
واصبر وياصلك حقك حومر اعيانـه
قال ايه هـاذي سواليـف الحراميـه
هات الدراهم ترى الاخـلاق تعبانـه
عـودت أعـزم واروّح للشريطيـه
واخـذ ونيتيـن والتقسيـط بثمانـه
واعطى المقاول ثمنها شبـه جبريـه
والراتب اقساط من راسه لكرعانـه
والورع وامه يبون اشياء ضروريـه
والتاجر احتدنـي مـن دون دكانـه
يقول للفقـر فـي نظرتـك ماريـه
ودفاتر الدين مـن شـرواك مليانـه
وعـوّدت لاجبـت لاهـاذي ولاذيـه
وعزي لمن راح وانكف ماقضى شانه
العـذر مايقنـع المحتـاج مولـيـه
والمزح ماهوب يرضي ناس زعلانه
مغير اروّح بهم فـي كـل عصريـه
للبيـت ونمتـر الاضـلاع واركانـه
ونحاول نعيش وسط احـلام ورديـه
مابين غرفة فـلان وغرفـة فلانـه
وأن مرنا مـن جماعتنـا الزراويـه
لاشافني قال ذا ضـاوي وورعانـه!
يبغا الفوائـد وحـول لـه بدهويـه
وقام يتهكم وفـيّ يجـرب اللسانـه
طلعت للشمس وانـا كنـت بالفيـه
وضحك بي اللي يشح بزاد ضيفانـه
يازياد مافي قلـوب النـاس ماويـه
لكـن شكـواى للمعبـود سبحانـه
مجاراة الشاعر/فهد بن متعب الديـري
ضـاوي قلبهـا مناحـه للهواويــه
وانـا سرتبـي طواريقـه وقيفـانـه
ووردت عدٍ رشـاه يخاطـف إ دليـه
دلـو تصـدر خفيـف ودلـو مليانـه
وامسيت ادير الفكاير واسـوي النيـه
واصبحت ولْيا الفـرج فتـاح بيبانـه
ياضاوي الراي عنـدي والعمـل نيـه
الاول الله والاخـو لوقفـة اخـوانـه
ان طعت شوري ترى ربعـك نداويـه
نبـي إنخـل المقـاول يبلـع إلسانـه
نبـا انتعـاون عليـه ونعلـن الهيّـه
ولاشاف ضرب ام خمس ايعرف عمانه
والجايـد إيجـود وارزاقـه سماويـه
والنـاس للنـاس مديونـه وديـانـه
والله مـا صـد والعـزوه شبابـيـه
تابى المروّه علـى حروبـه وعتبانـه
وكـل القبايـل لهـا الامـداح مثنيـه
والطيّب ونعم مـن حضـره وبدوانـه
ياالله عسى ضـاوي إيختـم الثلاثيـه
ب إسمه ثلاثي .. وبحسابه .. وعنوانه
واللـي يبيهـا فكاهـيـه فكاهـيـه
لكّن لاتـروح فلـة ضـاوي إرهانـه
مجـاراة الشاعـر/ ماجـد النـاقـول
عزاه بعض الشكـاوي كنهـا فِيّـه
حرك بها ضاوي الشاعر ووجدانـه
منول مجامـل (ن) لابيـن الكيـه
ومادام ليّه خوي بواسـي احزانـه
ظروفنا نفسهـا ميّـه علـى ميّـه
واللي يعانيه منه النفـس طفشانـه
كسبت لي ف البلد ياخـي شعبيـه
من شافني قال الا ياكثـر صدقانـه
اي النـداوي وايــات النـداويـه
في كل شارع علي رجال ضميانـه
ماغير احاود مادانـي للبلـد جيـه
مابغى المعلم ولابغى شوفة اخوانـه
اعرف سيارته واعرف بنـي خيّـه
واعرف وسم (ن) يحطه فوق ليحانه
لاشفته اجظ كني شايـف (ن) حيـه
اشرقني الله يشرق سـاس جدانـه
غديت حتى مـع الورعـان لعبيـه
الرجل تضحك عليه اليـوم غرانـه
من عقب ذا البيت واخلاقي تجاريـه
ماغير دادوه قبـل يثـور بركانـه
يااهل المعرفه غدت لي حسنتي سيه
ولاّّ موازين طيب النـاس خربانـه
ياضاوي الوقت يضحـك للرباديـه
ولاّّ النشامى مثل حليـاك شقيانـه
وجيهنا من سموم القيـظ مصليـه
ووجيهم مـن بـراد الـذل مندانـه
ووجيهنـا دون واجبنـا شقـاويـه
ووجيهم من فعـول العـز عريانـه
هذا حقيقة كفـاح اجيـال عصريـه
في صفحة الوقت يبقى العز عنوانه
استرسل الشعر وامرس وانقطع غيه
عجزت ارده علـى غيـي وميدانـه
سلم على حمود وحميـدان ووخيـه
وقل هامة العز من شرواه منهانـه
تـو ابتـدى للمعانـي جـد جديـه
وتو افرزت ريح يشمومه وريحانـه
نفح الحجازي على نفحات شرقيـه
تلاعب المشرقيـن بحالـي الحانـه
رسم الخيال ومعاني الشعر محميـه
راع الجميله بها ضاوي وسلطانـه
يالله بقـدره إلاهـيـه سمـاويـه
يخلص البيت ياضاوي من احسانـه
حتى يعـود الحجـازي للحجازيـه
ويذوق برشومي الطايـف ورمانـه
مجاراة الشاعر /سلطان بـن منصـور
ياضاوي اصبر على الروحات والجيـه
ترى عزوم الفتـى والصبـر عوانـه
وابعد عن العشق وعلـوم الهواويـه
من يوم حرب البنـاء طبيـت ميدانـه
لوكـان مرتبـك العـذرا السنافـيـه
اللي بنهـب القلـوب الخضـر فنانـه
قل جنبي عـن طريقـي حيـد يابنيـه
انا الهواء تبت مـن ضلعـه وريعانـه
وخلـك بموضـوع بنيانـك بجـديـه
واحرص ترى زمـرة العمـال خوانـه
خلك سياسي كمـا النـاس السياسيـه
وان ضاق وقتك يجيلك قـوم نشطانـه
للطيـب شفقيـن ولفعلـه شفـاويـه
ولاهـم علـى مايمدونـه بمنـانـه
امثال ابـو متعـب الـى قـال قطيـه
والنعـم بـه عـد ماينطقبـه السانـه
يسـوق للمرجلـه بنـت العمانـيـه
لعـل يفـداه نــاس دوم كسـلانـه
وغيره من اقصى العرب وايضا الدناويه
ربعٍ لمـدت هـل الطـالات طربانـه
لاتشكي الفقر وانـت مـن السعوديـه
وان حدك الوقت لك مـاوى ومزبانـه
ازبن على اللي عطاهم غيث وسميـه
يعين الادنى والاقصـى مدهـم عانـه
والله لتنسى العـوز والفقـر ووخيـه
ويشـد مرغـم ولايمسـي بمرحانـه
تقبلوا خالص شكري
[/align]
هذه الرسالة تفيد بأنك غير مشترك في منتديات سارق القلوب. لتسجيل الرجاء اضغط هنـا 
12-9-1427, 11:29 صباحاً
العرض العادي
