شعور أنثى .. ولو كانت كبيرة ..

السلام عليكم ورحمة الله وبركاته ..


أخواتي أخواني ..


سأبث لكم مشكلة تعيشها أمي الغالية .. وتتقلب فيها بين كل فينة وأخرى ..

تعيش أمي الغالية .. مع أروع زوج في الدنيا .. وهو والدي الحبيب ..
لا يرفض لها طلبا .. ولا يمنعها من شيء تريده أبدا وذلك في حدود المعقول ..

أمي كذلك رائعة وطيبة وحبيبة ..
فأشعر أن أمي وأبي زوجين متراكبين حبيبين ..
حتى أنني قبل زواجي كنت أتمنى زوجا بصفات أبي الرائعة يكرمني ويحترمني ..


لكن ..

توجد في أبي صفة تنكد على والدتي بعضا من حياتها ..

مع أن أبي كبير فعمره فوق الخمسين وهذه الصفة معه منذ أن تزوج أمي ..


مشكلة أبي أنه



حسسساااااااس وزعوووووووول يزعل على أتفه الأسباب ,, ويفسرها تفسيرا خاطئا مع أن أمي تتصرف بمنتهى العفوية ..

وهو من النوع الذي لا يتكلم ولا يقول ما في قلبه بل يزعل ويسكت ولا يكلم أمي إلا بكلمة ورد غطاها فقط ..

وزعله يطول جدا قد يصل إلى شهر أو أكثر ..

وبصراحة أمي مللللت من زعله هذا .. وصارت نادرا ما تراضيه على طول ( طبعا هي اللي تراضيه ) لكن بعد فترة طويلة زي ما قلت شهر أو أكثر ..

بصراحة يا أخوان والله يتقطع قلبي إذا شفت أمي تكلم أبوي واحنا عندها وما يكلمها زين .. وزعله كثير مره مره .. يعني صار الحياة مع هذا الوضع ممله ..

يعني زبدة الموضوع إنه إذا كان راضي مافي أحسن منه .. وإذا كان زعلان ما في أنكد منه ..

وأنا أعرف أن أبوي يحب أمي .. لكن في أوقات الزعل .. أحس انه ينسى كل لحظات الوناسة والحب وبس يكتم عليها ..

تكفون أعطوني حللول أوفق فيها بين أمي وأبوي ..

ساعدوني الله يعافيكم بخبراتكم ...

لا تطنشون ..

والله يا اختي ابوك هذا شخص غريب شهر اكثير مره والمشكله انك تقولين ان ابوك يبقى زعلان لين امك هي الي تراضيه ما ادري اعتقد ان امك لها يد في المشكله يعني عودته على هالامور فصعب انه يتغير بين يوم وليله واتوقع انه هذا الشي غير طبيعي يعني ربما يكون ابوك يعاني من هذا الشي منذ الطفوله مع امه واخوته ربما يكون اخر العنقود يعني دلوعة اهله وتزوج ولاقى نفس الشي المهم انصح امك انها تحاول انها ما تصالح ابوك كذا بشكل شفهي وما تنتظر شهر بحاله يعني بعد يوم من الزعل تحاول انها تعمل الاشياء الي يحبها زوجها مثلا تعمل الطبق المفضل تلبس اجمل الملابس الي يحبها تحاول تغير في شكلها اشوي يعني تسوي تجديد تصبغ شعرها قصه او تسريحه جديده تعمل حركات دلع اممممم مثلا تكتب بطاقه وتحاول انها تزينها بالورد وتكتب ابداخلها عبارات حلوه وغزل او بيت شعر يعني مثلك عارفه وتحطها في اقرب مكان حتى يشوفها مثلا بالقرب من مكان النوم او في جيوب الثوب حقه اهم شي مكان واضح ويا حبذا لو كانت مرفقه بهديه شيء يكون محتاج له بالحيل او شيء محبب اللى قلبه المهم انها ما تكلمه ولا كلمه واتحدى اذا ابيصبر امام هذي الاشياء

الله يجزاكي خير ..

ماقصرتي ..

لكن تعرفين الكبار مو راعين الحركات هاذي ..
وفعلا مثل ما قلتي الحل بيد أمي ..
لكن تعرفين أمي ملت من كثر زعله وصارت تشيل هم إذا بغت تراضيه وتطوووووووووول السالفة ..

أحيــانا أو غالبـــا من يتصــف

بمثــل والدك ...

تجدينــه يتصــف بصفــات حميـــده ...وطيــبــه وتجدين نفســه طيبــه وأكيد مثل هذا الصنف يحب والدتك

عســى الله يخليــه لكم ويخليكم له ...والسبب وأتوقــع أنه مثل ما قلتي أنه طيـب وحنون وتجدينــه

يحاول يفعل المستحيــل من أجل أرضــاء والدتك بالأخص ويحب أن يفرحكم وتجدينــه يتدين ويضع على ظهره

دين من أجل سعادتكم ...ومع ذلك لايتوقع من والدتك ألا أحســن الكلام واحسن المعامله

فينصدم من كلام والدتك مثلا ويكون غاية الحساسيــه ...

والله يخليه لكم ويخلي لكم والدتكم ويسخر ما بينهم ويجمعكم ولا يفرق بينكم ألا الموت ..بعد عمر طويل على طاعة الرحمن ...وأسئله أن يلم شملكم وأن يشفي مرضى المســلميــن وان يرزقنا وأياكم الفردوس الأعلى
انه سميع مجيب الدعآء

والله ياختى كل الرجال الحساسين كده اذا احبوا سعدوا واسعدوا الدنيا واذا غضبوا كانت نهايه العالم بالنسبه لهم والحل بسيط جدا ياريت مااحد يزعل الراجل الجميل ده ءء وانت ايضا ياريت يكون لك يد فى الصلح وتيجى على امك بالاتفاق معاها وتتحيالى عليه ابوى كلنا نحبك ومو كل الناس بتفكيرك انت انت راسك توزن الكل واحنا بنتعلم منك والعفو والسماح ياسيد الملاح احسن اب الله يخلليك اياه وامك بعد لاتزعل علينا وتقل الوالد الله يسعدكم