اوقفوا هذه المهزله بسرعة

انا راح ادخل في الموضوع على طول بدون اي مقدمات
الان الوضع اللي حاصل للمواطن السعودي وضع غريب يعني تشوف اموال الناس تروح
قدام عيونهم ولااحد يتدخل يعني لو واحد انسرقت افلوسة قدامه راح يسك ماراح يسكت
راح يتكلم ويطالب اللي قاعد يصير في السوق نفس الشي ماله اي تفسير واذا طلع احد
المحللين قال السوق كويس السوق كان فيه تظخم هايل والحين هذه الاسعار هي الصحيحة
وينكم اول يوم التظخم ليش خليتوه يرتفع لين وصل 21 الف نقطة بعدين نزلتوه الى 13الف
نقطة ثم الى 10 الاف نقطة ثم الى 8 الاف نقطة والجاي اكثر من اللي راح يعني اول قالوا
المشكلة في جماز السحيمي طيب راح جماز ماشفنا اي تغيير بس ارتفاع بسيط وبعدين
زي محنا شايفين نزول دايم نبغى اسباب تبين اللي صاير مانبغى كلام وانتقادات نبغى
فعل نبغى تنفيذ علشان المواطن يفهم الاسباب اقسم بالله اني جالس مع واحد من اللي
كانو يهزون السوق والله ان الرجال امس كان يقول للوسيط حق الاسهم بعلي كم سهم
والله جيبي مافيه ولاريال حتى بيتي مافيه شي وين الاقتصاد القوي اللي يتكلمون
عنه بس تبغى الصراحة اللي قاعد يصير في السوق هذا مهزله
واذا ظل الحال على ماهو الناس ماراح تسكت لان
المهزله لازم توقف يعني حتى الاكتتابات صارت ماتجيب راس المال
وين اول كنا نكسب في الاكتتاب 1000% لاكن اللي قاعد يصير
هذا من ناس كباريه في السوق نرجو من الملك عبدالله حفظة الله
التدخل السريع لحل هذه المهزله مع الف شكر .،،،،،
اخوكم
ملك الرجه
يمنع نقل الموضوع الا اذا كانت لن يحذف منها اي شي حتى الاسم .

اخي كلامك سليم لاكن لاوضع خطير اخطرمن ماتصور

اشهد انك كتبت في الصميم ولكن الحل بسيط لكن الدولة جالسة تتفرج والا لماذا لم تتدخل والسوق جالس ينهار كل يوم اسوأ عن اللي قبله.
والحل ياجماعة بسيط وهو عدم السماح بتسييل اكثر من 20 او 30 % من المحفظة للفرد في اليوم الواحد او عدم السماح بالبيع الا بعد 5 ايام بنفس النسبة اما ان تسمح الكل يطب الملعب ويلعب على كيفه فلن تستطيع ان تضبط الوضع وسنعود الى المربع الاول.
مشكلتنا اننا نضع المسكن المؤقت ولا نعالج المشكلة من جذورها لذا من السهولة ان يعود الجرح ينزف ولا تنفع معه اي ضمادات.

الاسهم هذا المرض القادم علي وطنينا الحبيب لقد كان منذ البدايه ان تكون الدوله هي المسؤله عن رزق العباد الذي ينهب تحت بصر الدوله وهي لا تحرك ساكنا انك لو ذهبت الي السوق وفي غفله من التاجر سرقت شئ بسيط جدا وراك عسكري الحراسه اواي واحد وقدمك للشرطة ماذا يكون مصيرك السجن طبعا لانك امتلكت ما هوا ليس لك اذا لما لا تكون الاسهم مثل ذالك ان يكون هناك مراقبين من قبل الدوله لمنع السرقه ونحن بايعنا الملك علي اموالنا ودماءنا وارواحنا الا بحقه اتقوا الله ايها المسؤلين واعلموا انكم موقوفين بين يدي الله وسائلكم عن اموالنا لمذا لم تحافظون عليها ام انكم لم تسمعوا بقول الفاروق والله لو شاة عرجت بالعراق لسالني الله عنها .الهم اجرنا من خزيك يوم القيامه واجعلنا ممن يدخلون الجنه بسلام

الله يعينكم .... لكن شيء معروووف محد يدخل بالأسهم بس اللي عنده فااائض من الماااال ...


بس الناااس طمعت ... تبي تصير تاااجره بسرعه ... واخرتهااا خسرووووا

ماا اقوووول الا الله يعينهم ويعوضهم


تحيتي لكمممم


أختكم .. شوشو ..

بني ادم مايملي عينه الا ( )

الناس بدات تجري خلف المال وتركت الصلاه والتعليم ولا تراعي الحلال والحرام فكان العقاب من الله سبحانه وتعالى بان كاان الانهيار ولا تقنعني بغير الكلام هذا نعم هناك اسباب عند البشر ولكن هناك مبررات تقول هنا مكان عقاب فكان المرض والخسارة والهم والغم والفقر لمن ترك واجبات الله واتجه الى عبده المال وحسبي الله ونعم الوكيل


الله يجيب الخير ويعوض المسلمين

أخوكم الفيلسوف

صحيح يمكن يكون عقوبة من الله
لان هذي القصة صارت قدامي والوقت كان في
صلاة المغرب كانت مفروشة سجادات الصلاة قدام
البروجكتر اللي يعرض شاشة الاسهم يعني كيف بتقبل الصلاة
منك وانت لاهي في الشاشة وكل المصلين كانوا رؤوسهم فوق
وين الخشوع في الصلاة هذي القصة صارت قدامي يعني ماسمعتها
ولاشي وفي احد البنوك في شرق الرياض .
ولكم جزيل الشكر
اخوكم
ملك الرجه