رسايل مدري من وين طلعت لي

انا لقيت هالرسايل على جهازي قلت انزلها لكم للمعلوميه ماادري من وين جت على جهازي
ــــــــــــــــــــ
ترى المدح لا هل المدح مافيه شور اثنين
ولا شفت فعل السيف تدري من انصابه
عريب صعيب وافي جامع الثنتين
شجاع يحب الموت ومشرع بابه
علي الحرام انك كما السيف ابو حدين
ورجل سواتك لا حضر يعتبر لابه
ــــــــــــــــــــــــــــــــــــــــــــــــــ ــــــــــــــــــــــــــــــ
الطيب بحر ساحله ماله حدود
قاعه عميق ومتعب كل غطاس
والجود ظل في قفا الشمس ممدود
ما ينعرف حده ومعناه ينقاس
ومن يجمع الثنتين لا شك محسود
وانا اشهد انك جامع در والماس
ــــــــــــــــــــــــــــــــــــــــــــــــــ ــــــــــــــــــــــــــــــ
صدفه تذكرتك وانا ماني بناسيك
واشتقت لأيام بها كنت وياك
ذكرت حلم مات واحياه طاريك
وحب غدى ما بين همك وذكراك
ليتك تشوف اللي من الناس يغليك
مسجون بأسوار الزمن كيف ينساك
ــــــــــــــــــــــــــــــــــــــــــــــــــ ــــــــــــــــــــــــــــــ
والله اني كنت الوم اللي يضيق ان غاب خله
لين جربت المحبه وقلت توبه
لعنبو جد المفارق فيه هم وفيه ذله
اثر كل الحب لذه..والفراق اكبر عيوبه
ــــــــــــــــــــــــــــــــــــــــــــــــــ ــــــــــــــــــــــــــــــ
لو غاب عن عيني من الناس غالين
والوقت الاقشر شتت الشمل بـ "فراق"
وان صرت مبعد والحبايب بعيدين
والدمع من عيني على الخد حراق
والله ما انسى من سكن داخل العين
اللي لهم في ضامري ود واشواق
ــــــــــــــــــــــــــــــــــــــــــــــــــ ــــــــــــــــــــــــــــــ
ما كل من يضحك بوجهك يودك
ولا كل من يبكي بكى صدق واحساس
احدن بكى في غيبتك يوم صدك
واحدن ضحك يومك عليل ومحتاس
عش في حقيقه واعرف اللي يحبك
واعرف قدر منهو يعزك من الناس
ــــــــــــــــــــــــــــــــــــــــــــــــــ ــــــــــــــــــــــــــــــ
ما كل برق بالسماء ينفع الناس
وما كل بذر لك يجيب المحاصيل
الله عطاك العزم والجود والباس
فعلك يسابق نيتك دون تأجيل
الطيب لأفعال الرجاجيل مقياس
وانت القياس لطيب فعل الرجاجيل
ــــــــــــــــــــــــــــــــــــــــــــــــــ ــــــــــــــــــــــــــــــ
يازعيم الطيب ولا يا عقيده
انت ياشيخ المراجل والكرامه
يافريد النوع يالقرم الوليده
تنتهض يوم الوغا ثاير عسامه
سعد منهو حطك حساب برصيده
في بنوك المرجله والا الشهامه
ــــــــــــــــــــــــــــــــــــــــــــــــــ ــــــــــــــــــــــــــــــ
انت الغلا والليل واشعاري
والهاجس اللي على فرقاك يكويني
ما غبت عن خاطري ولو طال مشواري
ابعد انا وصورتك ما فارقت عيني
ــــــــــــــــــــــــــــــــــــــــــــــــــ ــــــــــــــــــــــــــــــ
حبيت اعايدك واهنيك يالغالي
عيدك مبارك ومبروك الشهر كله
حيث انك أغلى بشر يطري على بالي
بعايدك قبل ياتي العيد في حيله
اخاف يبدا بها غيري وانا التالي
وتجيك عيديتي ما تبري العله
ــــــــــــــــــــــــــــــــــــــــــــــــــ ــــــــــــــــــــــــــــــ
قل اتصالي لكن الشك زايل
والا انت قدرك شامخ بقلب مغليك
في ذمتي قدرك ماهو بالرسايل
لانك رصيد اغلى من المال والشيك
العيد قرب ياجميل الفعايل
وحبيت اكون اول عزيزن يهنيك
ــــــــــــــــــــــــــــــــــــــــــــــــــ ــــــــــــــــــــــــــــــ
في غيبتك تساقطت خضر الاوراق
ما قاومت غيبتك شجره عنادي
ماكل من يبعد له القلب يشتاق
ولا كل من عود له القلب شادي
الا انت في الثنتين محرقني احراق
ان غبت زاد الشوق وان جيت زادي
ــــــــــــــــــــــــــــــــــــــــــــــــــ ــــــــــــــــــــــــــــــ
جتني رساله زادت القلب بإعجاب
من واحد في ذمتي ما نمله
يامرحبا واهلين والفين ترحاب
عداد مزن من الحيا مستهله
يا اعز مخلوق من اقراب واجناب
نزل بقلبي ما استحى واستحله
ــــــــــــــــــــــــــــــــــــــــــــــــــ ــــــــــــــــــــــــــــــ
راح الزمان اللي به من الناس وافين
وجانا زمان ليتني ما حضرته
اللي تعرفنا عليهم كثيرين
وما حدن اخذ قلبي مثل ما اخذته
اسمك وهو اسمك على الراس والعين
وقدرك لو اقدر اجمعه ما حصرته
ــــــــــــــــــــــــــــــــــــــــــــــــــ ــــــــــــــــــــــــــــــ
عقبك الدنيا عساها ما تكون
وش حلاها غير شوفك يا غرام
يشهد الله مسكنك وسط العيون
وانك اول من صحى فيها ونام
لو تبي من ايام عمري تمون
فدوتك عمري ولا فيها كلام
ــــــــــــــــــــــــــــــــــــــــــــــــــ ــــــــــــــــــــــــــــــ
في ذمتي ماحدن من الناس ساواك
تكسب ثلاث من نقلها تعنا
عزيز نفس وتكرم الضيف لاجاك
وصليب راس يازبون المجنا
يالله عسا اللي كون الكون يرعاك
غالي وقدرك يا رفيقي مثنا
ــــــــــــــــــــــــــــــــــــــــــــــــــ ــــــــــــــــــــــــــــــ
اشتاقلك واقول وين انت وين انت؟
ويرد رجف القلب يقول غايب
انا اشهد اني في محبتك اعلنت
وعن حبكم لو غبت ماني بتايب
انت الوحيد اللي بقلبي تمكنت
ولو تكثر الازوال ما عنك نايب
ــــــــــــــــــــــــــــــــــــــــــــــــــ ــــــــــــــــــــــــــــــ
اكذب عليك ان قلت مانيب مشتاق
لاوالله الا قطع القلب شوقي
ياواحد ترخص لعينه الاعناق
حبه سرى في القلب داخل عروقي
في غيبته كل الفضا بخاطري ضاق
والعين في شوفته ولهى شفوقي
ــــــــــــــــــــــــــــــــــــــــــــــــــ ــــــــــــــــــــــــــــــ
الروح ولهانه على شوف شرواك
وان ما حصل قلنا عليها السلامي
القلب واحد والمشاعر ترجاك
ترجي وصالك قبل دفن العظامي
تبقى حبيب الروح والروح تفداك
ويفداك عمري يا رفيع المقامي
ــــــــــــــــــــــــــــــــــــــــــــــــــ ــــــــــــــــــــــــــــــ
قل اتصالي لكن الشك زايل
ولا انت قدرك شامخ بقلب مغليك
في ذمتي قدرك ماهو بالرسايل
لأنك رصيد اغلى من المال والشيك
ــــــــــــــــــــــــــــــــــــــــــــــــــ ــــــــــــــــــــــــــــــ
رن الجهاز ودق صوت المنبه
برسالة زادت على القلب تشويق
من غالي له وسط قلبي محبه
وبيني وبينه بالمحبه مواثيق
ويشهد على ما اقول ربي وربه
غالي وشوفه يبعد الهم والضيق
ــــــــــــــــــــــــــــــــــــــــــــــــــ ــــــــــــــــــــــــــــــ
سجلتك في صفحه الطيب ميلاد
بين الرجال اللي عريب نسبها
وترفع لك الرايه على روس الاشهاد
وان شبت النيران تخمد لهبها
وان كان لأهل الطيب سيد وسياد
انته ترىسيده وسيد عربها
ــــــــــــــــــــــــــــــــــــــــــــــــــ ــــــــــــــــــــــــــــــ
الله من ليل سهرته لحالي
يوم السما غيمه يغطي نجومه
نامت عيون اللي من الهم خالي
ماهو بمثلي يحترق في همومه
هم يهدم نايفات الجبالي
اللي طول وأزعجتني حلومه
ما يسهر اللي من فقد شوف غالي
يرعى خياله طول ليله ويومه
ــــــــــــــــــــــــــــــــــــــــــــــــــ ــــــــــــــــــــــــــــــ
تلف هالدنيا على الناس وتدور
بس الزمن عندك توقف ولا دار
ادري مقصر بس لا صرت مجبور
ودي تسامحني على حكم الاقدار
كني بدونك عقد لا صار منثور
وش يجمع المنثور دام الزمن جار
ــــــــــــــــــــــــــــــــــــــــــــــــــ ــــــــــــــــــــــــــــــ
عسى الردي يا كاسب الطيب يفداك
ماهو كفو يفداك يفدى رجولك
انت الذي على روس الاشراف مبداك
والا الردي مهما تعب ما يطولك
مدت يمينه ما تجي عند يسراك
واغلى ثيابه ما تساوي نعولك
ــــــــــــــــــــــــــــــــــــــــــــــــــ ــــــــــــــــــــــــــــــ
مهما ابعتدني عن مواصلك دنياي
تبقى عديل الروح مهما جفيته
لا لا تقول اني على الود نساي
انت القريب اللي بروحي فديته
اعلمك يا صاحبي ليه انا جاي
حسيت قلبك يحتريني وجيته
ــــــــــــــــــــــــــــــــــــــــــــــــــ ــــــــــــــــــــــــــــــ
في داخلي ليل حجب مطلع الشمس
وفي داخلك شمس نست ليل همي
يامن عطيته القلب بأصابعي الخمس
ضم بحنانك ضايق الصدر ضمي
ابنتظر باكر عسى تطلع الشمس
تمحي الظلام ويقتل النور همي
ــــــــــــــــــــــــــــــــــــــــــــــــــ ــــــــــــــــــــــــــــــ
ما دمت لي صاحب ترى الراس مرفوع
ماهمني طيب العرب من رداهم
ما انته من اللي طيبهم شهر واسبوع
ومن عقبها تلمس بوادر جفاهم
تراك ياصاحبي لي نور وشموع
في وقت فيه الناس زايد بلاهم
ــــــــــــــــــــــــــــــــــــــــــــــــــ ــــــــــــــــــــــــــــــ
غلاك ما يحتاج توثيق وحلوف
الله خلق حبك من الحب فيني
وعزفت نغمه عشق على كل معزوف
وسكنت في قلبي وروحي وعيني
واغلى المشاعر جتك في شعر وحروف
قلبي كتبها قبل تكتب يميني
ــــــــــــــــــــــــــــــــــــــــــــــــــ ــــــــــــــــــــــــــــــ
الصاحب اللي له في ضميري محبه
ارسله الاشواق جمله وتفريق
الله ينور له حياته ودربه
وبسقيه من العسل صافي الريق
تشتاق له عيني وقلبي يحبه
وله منزله من بين كل المخاليق
ــــــــــــــــــــــــــــــــــــــــــــــــــ ــــــــــــــــــــــــــــــ
ياصاحبي عسى البشر من فداياك
وعسى الزمن ياغايتي ما يضرك
البعد ما يبعد قلوب تمناك
مدام فيها يا حبيبي مقرك
نغليك ونحبك غلا موت نهواك
ويجرنا شوق الغلا اللي يجرك
لا تحسبنا يا حبيبي نسيناك
حتى الجفا يا غايتي لا يغرك
ــــــــــــــــــــــــــــــــــــــــــــــــــ ــــــــــــــــــــــــــــــ
عيني وقلبي وعقلي يحبونك
وان بغيت الحقيقه كلي احبك
عاشقك عاشق اوصافك ومجنونك
في الزعل ولا الرضا قلبي على قلبك
اوعدك ما اجرح احساسك ولا اخونك
كيف بفرح بغيرك والفرح قربك
مع نسايم عبيرك مالت غصونك
ومالت النفس معك وسرت في دربك
تدري اني اشوف الناس بعيونك
لو اكذبك شفت الصدق في كذبك
لو تحس بشعوري يوم من دونك
كان تشكر على كثر الغلا ربك
ايه احبك واحب اللي يحبونك
انت وانت الامل وشلون ما حبك
ــــــــــــــــــــــــــــــــــــــــــــــــــ ــــــــــــــــــــــــــــــ
غلاك الاول ما تغير لها اللحين
ما زلت غالي يا بعد كل غالي
مهما تروح ايام وشهور وسنين
يبقى رصيدك بالحشى دوم عالي
لا ما تغيرنا على العهد باقين
باقين مهما باعدتنا الليالي
ــــــــــــــــــــــــــــــــــــــــــــــــــ ــــــــــــــــــــــــــــــ
وين انت يا رقم له ايام مشغول
لا قالي عفوا ولا قال لي سم
خايف يطول الوقت ويحول بي حول
لارد جواله ولا هو تكلم
صاحبه غالي بس ماهو بمعقول
انه نسى له صاحب فيه مهتم
خوتك ماهي حبر ينشف على طول
خوتك تاج فوق راسي معظم
ــــــــــــــــــــــــــــــــــــــــــــــــــ ــــــــــــــــــــــــــــــ
ياقلب لا تاخذ جفا الشوق بالشوق
خل العيون اللي تشوفه تدله
كانك على حب المزايين مطفوق
اصبر ترى بعض المحبه مذله
ــــــــــــــــــــــــــــــــــــــــــــــــــ ــــــــــــــــــــــــــــــ
تخليني وسط صحراء ونار الشمس تكويني
تخيل خطوتي حافي وشوق الارض يدميني
تخيل لهفه انفاسي ادور قطره ترويني
ادور غيمه بيضاء تظللني
تخيلني ادور درب ورمل الصحرا في عيني
ترى هجرك مثل صحراي
طلبتك لا تخليني
ــــــــــــــــــــــــــــــــــــــــــــــــــ ــــــــــــــــــــــــــــــ
خلني في بالك وغيب
اهم شي ابقى صديق
واذا حصل واحتجتني
صدقني تلقاني قريب
تلقاني ظلك لا مشيت
تلقاني دمعك لا بكيت
تلقاني بسمتك لا رضيت
فيني ظنك ما يخيب
واوعدك!
اني اكون اوفى صديق
ــــــــــــــــــــــــــــــــــــــــــــــــــ ــــــــــــــــــــــــــــــ
لو إلتهينا بالزمن ما نسينا ناس عزيزه
والمعزه وهايب إن غاب غيرك يفقد الكون انسان
وإن غبت عني افقد الكون كله
الكل يقول ان الوفا صعب نلقاه
وانا اقول ان الوفا فيك مخلوق
ــــــــــــــــــــــــــــــــــــــــــــــــــ ــــــــــــــــــــــــــــــ
سلام لك من صادق القلب مشروح
ياللي غلاك بداخل القلب ما راح
ناس تجي وتروح ما هزت الروح
وناس غلاها ثابت وسط الارواح
ياللي بنيت من الوفا قصر وصروح
قصر مشيد مع هل الجود ما طاح
ــــــــــــــــــــــــــــــــــــــــــــــــــ ــــــــــــــــــــــــــــــ
اضحك مع ربعي ولا ني بمسرور
سارح بفكري واشتكي ضيم فرقاك
اتخيلك قمره ضوت قلب مهجور
شوف السما ونجومها بحب ترعاك
اشتقت لك وانا على البعد مجبور
ودي اغمض وافتح العين والقاك
ــــــــــــــــــــــــــــــــــــــــــــــــــ ــــــــــــــــــــــــــــــ
غلاك ما يحتاج توثيق وحلوف
والله خلق حبك من الحب فيني
وعزفت نغمه عشق عن كل معزوف
وسكنت في قلبي وروحي وعيني
واغلى المشاعر جتك في شعر وحروف
قلبي كتبها قبل تكتب يميني
ــــــــــــــــــــــــــــــــــــــــــــــــــ ــــــــــــــــــــــــــــــ
قل لي بربك وين هي اراضيك
ليتك تشوف بغيبتك وش حصلي
اقوم واجلس وآتلفت واناديك
يرجع صدى صوتي ويبكي محلي
انت الذي من طيبك القلب شاريك
عالي مقامك فوق فوق متعلي
ــــــــــــــــــــــــــــــــــــــــــــــــــ ــــــــــــــــــــــــــــــ
ياليت الود ما يرحل
ولا الدنيا تفرقنا
ولا غصون الهوى تذبل
ولا ننسى حبايبنا
ــــــــــــــــــــــــــــــــــــــــــــــــــ ــــــــــــــــــــــــــــــ
صم الجبال اللي حجرها صلافيح
لا جيت اهز حيودها ما درت بي
افخر بعرفي للرجال الطحاطيح
وابقى على هقواتها اللي هقت بي
واقدر ظروف اهل الوجيه المفاليح
اللي ليامن جيتها رحبت بي
ــــــــــــــــــــــــــــــــــــــــــــــــــ ــــــــــــــــــــــــــــــ
على ذيك الدروب اللي توديني لأعز انسان
اجي من لهفتي مشتاق للضحكة وراعيها
الا ياصاحب القلب الرحيم اليانع الهتان
ترى ذيك الضماير شوفتك بالحييييل ترويها
ــــــــــــــــــــــــــــــــــــــــــــــــــ ــــــــــــــــــــــــــــــ
يفز دمعي واقهره داخل العين
اخاف عذالي يقولوا هزيمه
لا والذي الف قلوب المحبين
ما حدرت دمعات عيني ظليمه
انا بكيت من الوفا والوفا دين
لا اجل الصديق وذكريات قديمه
ــــــــــــــــــــــــــــــــــــــــــــــــــ ــــــــــــــــــــــــــــــ
مساء الكلمة الحلوه
مساء الحب بليا حدود
مساء ريحته قهوه
وطعمه بالحلا معقود
مسائك نور يالغالي
مساهء الشوق ودهن العود
مساء يحتويه الكون
لأنك انت فيه موجود
ــــــــــــــــــــــــــــــــــــــــــــــــــ ــــــــــــــــــــــــــــــ
تصدق اشتقت لك؟
انا اعترف بعدك حياتي تختلف
تايه وحيد
اصيح بأسمك وارتجف
في كل شي اتخيلك
ومهما تغيب
عندي امل
بكره تجي
وبكل شوق
أ..س.. ت..ق..ب ..ل..ك.
ــــــــــــــــــــــــــــــــــــــــــــــــــ ــــــــــــــــــــــــــــــ
ويش سبب ياناس صد المحبين
حتى الرسايل ما تجي من طرفهم
اشوفهم ماهم علينا حريصين
مدري من اللي من سمانا خطفهم
مدري زعل ولا مع الناس لاهين
عجزت احدد يا عرب وش هدفهم
ــــــــــــــــــــــــــــــــــــــــــــــــــ ــــــــــــــــــــــــــــــ
لو غبت عن عيني اسابيع وشهور
يبقى مكانك بوسط القلب عالي
وان جيت ولا اقفيت بالخير مذكور
ذكراك عيت لا تفارق خيالي
ــــــــــــــــــــــــــــــــــــــــــــــــــ ــــــــــــــــــــــــــــــ
مدري ظلمنا الوقت ولا ظلمناه
ولا رداه الحظ سبه شقانا
اللي علينا يرخص الدمع عفناه
واللي نوده باعنا ما شرانا
وقت على كف القدر يرسم خطاه
كم مره صك الدروب وعصانا
ــــــــــــــــــــــــــــــــــــــــــــــــــ ــــــــــــــــــــــــــــــ

الطيب بحر ساحله ماله حدود
قاعه عميق ومتعب كل غطاس
والجود ظل في قفا الشمس ممدود
ما ينعرف حده ومعناه ينقاس
ومن يجمع الثنتين لا شك محسود
وانا اشهد انك جامع در والماس




يسلموووووووووو على المسجات الحلوة



نورت القسم بموضوعك حياك الله

تسلمين هذا من ذوقك وشرفني والله مرورك

مدري ظلمنا الوقت ولا ظلمناه
ولا رداه الحظ سبه شقانا
اللي علينا يرخص الدمع عفناه
واللي نوده باعنا ما شرانا
وقت على كف القدر يرسم خطاه
كم مره صك الدروب وعصانا



مشكور اخو شيخه ع الكلمات الاكثر من رائعه

الله يعطيك العافيه ماقصرت عزيزي

تقبل اطيب التحايا

في غيبتك تساقطت خضر الاوراق
ما قاومت غيبتك شجره عنادي
ماكل من يبعد له القلب يشتاق
ولا كل من عود له القلب شادي
الا انت في الثنتين محرقني احراق
ان غبت زاد الشوق وان جيت زادي

--------------------------

اخو شيخه

أختياار ولا ارووع تسلم ايدك عزيزتي




مسجات قمة بـأ الجمال


تقديري لك

الــمــاســي

اختي العزيز حبيبات سكر ؛ اخي العزيز الماسي
مشكورين على مروركم ولي الفخر ان الموضوع حاز على رضاكم
تحياتي لكم

روووووووووووووووووعه والله


تسلم يمينك على المسجات ..



والله يوفقك ولا يحرمنا منك ..

تسلم اخوي مرسى الاحزان مرورك وردك وسام شرف احطه على صدري
تحياتي

يسلمووووووووو اخوي

رووعه

يعطيك الف عافيه اخوي

girl-fresh ،، فتى السعوديه
تسلمون على المرور والرد
تقبلو تحياتي