أبدي رأيك بكل صراحه...نقل لقسم المشكلات الزوجية

[align=center]كما هو متعارف عليه منذُ زمن بعيد... أنه بعد الملكة – أي كتب عقد الزواج – أن

يقوم العريس بتقديم ما يسمى بالزواده – كما هو متعارف عليه في منطقتنا – يمكن

أسمها يختلف من منطقة لأخرى – وهي عبارة عن مقاضي يشتريها العريس لأهل

البنت... طبعاً هذه العادة تقريباً اندثرت من زمن... سؤالي المحدد لو أفترضنا أن

خطيبتك ... أرسلت لك رسالة تقولك فيها "لا تنسى المقاضي إلي يجيبها الزوج لأهل

زوجته قبل الدخول عليها... وش راح تكون نظرتك للزوجة هذي؟... علماً بأنهم مش

قرايب يعني كل واحد من عيلة ثانية.[/align]

يمكن الأخت تبي تبيك تموووووون عليها يعني خلاااص انت زوجي وكل شي عادي ..

بس حركتها مالها داعي ...

اعتبرته زوجها وعيزه تكبره امام اهلها
يعنى عيزه تحسس الناس كلها ان زوجى لايبخل عليا انا واهلى
او ممكن يكون عارفه انه بخيل وممكن مايجبش حاجه فطلبتها منه قبل مايكسفها قدام اهلها
بس شيئ مايزعلش لانها خلاص اصبحة زوجته

واعتقد انك في قرارة نفسك مستغرب من تصرفها اخوي ولد الخبر ولا ماكنت كتبت الموضوع تبي أراء الاعضاء ... على فكره الانطباع الاول هو الي يثبت

انا من وجهة نظري ان البنت قليلة ذوق ... وماعندها حسن تصرف

يؤ يؤ يؤ هنوف بشويش على البنت يااا بناات تراها بنت عادي زوجته مثل ما قال الاخ
طيب ومن الممكن اشياء كثيره تخص شخصية المتزوج وان زوجته هي اقرب الناس له تعرف طبعه ممكن يكون بخيل او ما عارف العاداة والتقاااليد
وهذا الاشياء تصير بين كل عريسااان ليسوو من عائله وحده
ثانين هم البنت تكون على خطئ بعدم الحياااء او سوء التصرف ولكن ممكن اداركة الاخطاء بخطاء
يعني في النهااايه لابد نحسن الظن في الاخرين



مشكور يا اخوي على توضيح بعض العاداة والتقاااليد


تحياتي

اذا كان هالشي متعارف عليه بالمجتمع

يمكن عادي

لكن برضوا اعتبرها انا جريئه شوي اذا طلبت هالطلب وهم تو بفترة خطوبه

مشكور ياولدجارنا << حول الخبر ^_*

صباح الخير
انا من رائي ان البنت ماعندها ذوقك هذا من باب الذوق
واذا هي شالت برقع الحياء وشافت ان انت زوجها فالمفروض برضوا ماتطلب لان هذا راح يغير رائيك فيها ولانها حسستك انها داخله على طمع ذي مايقولوا
او انها على نيتها مره وحبت تذكرك بس ..
فكرررررررررر واستخيررررررررررررر
وادعي ان الله ينور بصيرتك
تقبل مروري

شاكية القلوب... مشكورة على المرور والتعقيب ... لا عدمناكِ ... بس ترى الموقف هذا ما صار لي انا شخصياً ... لكن يخص واحد من الشباب... وبيني وبينك لما قالي الشيء هذا أنفجعت من جرأة البنت هذي.


الــــ alomaraa مشكورة يا الغلا على التعقيب... الاحلى مرورك وطلتك على الموضوع



تسلمين هنوفه – جده غير – وربي فعلا مستغرب وبقوه بعد


حبيبك المغترب مشكوره على تعليقك – فعلا كلامك في محله الواحد يحسن الظن بالآخرين – لكن هذا ما يمنع أن البنت فيها جرأة حبتين


غرور أنثى ... تسلمين يا بنت الجيران... يخليكِ ربي


أسطورة... مو انا المقصود بالقصه هذي يؤ... وعموماً تسلمين على مرورك الوردي

[align=center]اسمع يا فتى يمكن اهل البنت شارطين على الرجال بعض الشروط وقام يتهرب قالت نذكر فان الذكرى
تنفع المؤمنين وبعدين البنت تبي تفتخر في خطيبها انه مش بخيل
وحبت يكون الطلب منها على شان ما يكون فيه احراج له فهمت ولا لا

اما نتي يا هنوفه فانتي جبارة وحادة الطباع على ما اظن فاحسني الظن بالناس الله يهديك[/align]

مشكور أخوي عاشق القمر على تعقيبك الجم... ويقولون أن الكــــتابة فن تحتوي على الكثير من اللباقة.

بصراااحه ياااخوي صعبه احكم او اقول شيء عن البنت لاني ماعرف شنو غرضها من هذا الشيء وليه سوت جذي

الله العااالم وهم بعد صعبه تقول رأيك لصديقك بحيث لايصير فيه نفور منهااا المفرووض يقولها ليه قلتي جذي

ولا يحط شيء بقلبه او في خاطره وهم بعد المفروض ماياخذ رايك بهذا الموضوع هذه امور بينهم يمكن غيرك يرد عليه برد مو حلو عن البنت

والرجااال ياخذ فكره ولا يصير بينهم شي ويطلقون لسمح الله

لا خلوه يصااارحه احسن

يقولها ليه قلتي جذي

او اي طريقه يستفسر


وتحيتي لك

اقول البنت ماسوت شيء خطأ ويمكن تبي تثبت للي حواليها (((((اهلها صديقاتها))))))) ان زوجها يقدرها ويحترمها وخافت انه ينسى الزوادة ذكرته يعني ماحسها قلت ادب ويمكن بعد تبيه يكبر بعيون اهلها
المهم ان الموقف هذا صار لوحده وذكرته بالزواده لان صديقتها تقول لها انهاتعرف زوجها بخييييييييييييييييييييييييل
وتحدتها على الشيء وانها اعرف بزوجها منها بحكم انهم جيران المهم خافت ان كلام صديقتها صحيح فذكرته فسألها
بعد الزواج ليه ذكرتيني قالت له اللي صار فقالها ان البنت تموت فية وكذا مرة تلمح له بس مافيه فايدة لانه مايبيها فحبت تخرب بيته قبل زواجه

[b][size=5]

أخت شقاوة بنات...مشكورة على المرور والتعقيب... تسلمين يا الغالية[/size][/B]

[quote=oolsol;1482568]اقول البنت ماسوت شيء خطأ!!!!!!!!!!!!!!!!!!!!!!!!!!!!!

الاحلى مروركِ وتعقيبك يا الغالي

الزوجه تمون على زوجها
الغلط اهني انها ارسلت مسج كان المفروض اذا اهي خايفه يفشلها عند اهلها انها تكلمه بادب وهدؤ واذا ما عندك انا ممكن اساعدك بس لازم تجيب حسب التقاليد
هذي وجهة نظري
ومشكوووور ولد الخبر

اولا احب اسلم على الجميع ..قرأت التعليقات كانت تذكر ان البنت حابة تنبهه عشان يكون شكله عند أهلها محترم وهذا رأي ..
برأيي المتواضع انها ممكن تكون تحب تحيى العادات القديمة والاصيله وتحافظ عليها وخاصه انها أصبحت نادره في هذا الوقت ومافيها من الاصالة والكرم
او كما قلت انهما ليسا أقارب فقد تكون هذى العادة موجودة في عائلتها او ان عائلتها تحترم هذى العادة
او تكون تقصد انها اصبحت مسؤلة منه وهذا رأي
وفي الحالات السابقة ليس عيب أما اذا كانت تقصد انها بتثقل كاهله من البداية بالتكاليف وانها تطمع في اخذ كل ماتستطيع اخذه فهنا يجب ان يكون حذر حتى يحدد هي من اي نوع فيتعامل معها على اساسه
واتفق مع الجميع انها خطوه جريئة منها وتقبل مروري ..

صحيح هي خطوة جريئة..!!

ولكن اذا كان هذا شي متعارف علية..

فهو من حقها !!! >> مع تغير الاسلوب ..

لانها اكيد تبي تبيض الفيس عند الاهل

لك فائق إحترامي..



إختــــــــك..
الأميــــــــــرة***