قصه لاهل البر والصيد................ ولا تنسون الردود

أنا اليوم عندي سالفه سمعتها من أحد كبار السن ... ولا أدري وش أكتب عنوانه .....
السالفة أن فيه واحد من زمان من هواة الصيد من عيال التجار ، وجهز عـدة الصيد وهي :
1 ـ الصقر 2 ـ والسلقة 3 ـ الشوزن ( أم خمس (
ومعه سواق نشمي ، وسيارته ( جيب ) شاص ، اللي مطبة يقص الظهر وهو في السفلت .
والرجال ما يعرف يصيد ويبي له واحد بواردي ويعرف للصيد علشان يخاويه ، لأنه يحب الصيد هواية بس والا هو شبعان ....
المهم ذكروا له هاك الرجال أنه بواردي وانه يعرف يصيد .... والصحيح أنه ما عندك أحد يعرف يصيد بس مهوب بواردي يمكن يصيد عصافير ( بأم صتمة (....
مروا عليه عقب العصر وقالوا له أركب ولد الشيوخ يبيك ..... الرجال ميت قلبه ، قال : وش يبي ذا المهم طلع وقالوا له أركب .... ركب معهم وهو ما يدري وش السالفة ..... وطلعوا للبر قبل تغاب الشمس وقفوا في هاك الشعيب .... وقالوا خذ البندق ورح تصيد ( جب لنا حق العشا ) هو أول مرة يشيل الشوزن .... خذ البندق وأقفا من عندهم يدربي راسه ..... ويقول وين أبلقى لهم صيد فيه .... تعب وهو يمشي مالقى شي ورجع .... وهو معود زلق وطاحت الشوزن على حصاة وانكسرت .. انطلقت الماصورة من الخشبة .... شالها وجا لمهم ... يوم أقبل وهو معلق الخشبة على كتفه .... شافوه .... من بعيد وقالوا :
بيض الله وجهه جاب الصيد .... يحسبون اللي في يده صيد ما دروا أنها ماصورة البندق .
جاء وعلمهم أنه طاح وقالوا : الحمد لله على السلامة ... هماك سالم بس ....
أمرحوا في مكانهم والصبح مع طلوع الشمس مشوا .... وركبوه في الصندوق ومعه السلق والطير وبندق ثانية ........
وطاروا به في هالجلد ...... وهم يحسبونه يعرف اذا شاف الصيد بيطلق السلق والا الطير .....
المهم الرجال طارت بوهته ما يدري يتمسك والا يناظر هالسلق ... وطاروا به في هالبران .... أراد الله وجا هاك العقم طلعت السيارة وهي مسرعة والرجال ماسك السلق لا يطيح ...ثم نزلت في نقرة وربط فرامل وجاك السلق على الكبوت وبغا يطيح معك الرجال وأطلقة ومن السرعة دعسه السواق ..... وطق عليهم وهم يحسون صايد شي .... يوم رجعوا يناظرون يحسبون أنه صاد غزال واثر السلق مات .....
حمق راعي الحلال ودرا أن هذا مشؤوم ويبي يتقاضى منه .... قال أركب في الصندوق مرة ثانية وأنتبه للطير لايضيع ...... وقال للسواق أسرع خل المطاب تكسر ضلوعه نبي نربيه ...... الرجال شاف الموت يقول أني متمسك في الحنايا بغت تنقطع يدي من المطاب ..... المهم جاء هاك الجرف اللي طيره فوق ومحط به في أسفل الصندوق وأثره ماسك الطير لايطيح .... وأراد الله أن الطير شقص بين الحنايا وانقلع راسه في يد الرجال .....
المهم حولوا بعد شوي قالوا وين الطير ... قال ما معي إلا الراس بس مدري وين راح .....
وش رايكم في هالرجال .. أمحق بواردي ....