دعوة صادقة للتدخين؟؟؟؟؟؟؟؟؟؟؟؟؟؟

دعوة للتدخين:
اوعى تسمع كلام اللى يقول ليك بطل سجاير، ده يبقى واد توتو وما يعرفش فوايد التدخين !
التدخين يضفى عليك مظهر الرجولة !
اذاكنت حاسس انك عيل ومنظرك ما يجبش راجل ابدا ، امسك سيجارة وانفخ فى وش الخلق 0 حيفتكرونك راجل على طول!
التدخين ببطء وبتركيز يعطى ايحاء بأهميتك وعمق تفكيرك 0
اذا كان الناس مستهيفين شخصيتك ومنتش مالى عينهم ، ولع سيجارة ،اسحب كل نفس منها ببطء جدا وانفخه لفوق بعنطزة ، الناس حيفتكوك عقلية علمية معملية فذة وحيبقى شكلك ولا لاكى لوك فى زمانة !

تدخين السجائر علاج ممتاز لبطء التفكير
اذا اتزنقت وذكائك مش ساعفك بتصرف سريع ، ولع سيجارة على ما تولع وتشد نفس وتنفخ يكون ربنا فرجها وحتة الدهنة اللى جوة الجمجمة طلعت رد وما حدش يلحق يحس انك موحوس !
التدخين يجمع البنات الحلوة حوليك 0
ويحوطوا سريرك كمان ! ويقعدوا يتغزلوا فيك ويقولوا لبعض : ياسلام لو كل العيانين اللى بيدخلوا لنا قسم الامراض الصدرية شباب حلوين كدة !
التدخين يحافظ على صحتك من الامراض المعدية 0
طبعا ما الدبان نفسة مش حيهوب ناحيتك وحيقرف من ر يحة بقك!
التدخين يحافظ على مظهرك ويحميك من مشاكل الشيخوخة ؟
ما هو حايموتك بدرى قبل ما تلحق تشيب وتصلع !!
السيجارة يمكن ان تنقذ مستقبلك ؟
اسرق الخزنة وارمى السيجارة على الارض قبل ما تخرج ؛ ان الله حليم ستار!
ملحوظة : استعمل سجاير غير اللى انت متعود عليها علشان عقب السيجارة ميجبش رجلك !
التدخين يجعلك شخصا متميزا ؟
طبعا ما هو دونا عن مخاليق بنا انت الوحيد اللى بتطلع الغازات 0000من بقك 0
السيجارة تجعل منك رجلا ذو بصمة لا تمحى من ذاكرةالناس ؟
اى حتة تدخلها الناس مش ممكن ينسوا انك شرفتها من الاثا راللى تركتها على الارض والدخان اللى تركته فى السماء0
السيجارة تكسبك الاحترام ؟
اول ما تدخل حتة الناس تقوم واقفة ! ويروحوا جرى يفتحوا الشبابيك 0

السيجارة بتهدى اعصابك لما تكون متغاظ ؟
هو فية حاجات كتير ممكن تهدى الاعصاب زى الينسون او الكركدية ؛بس شكلك بالسيجارةبيحسس الناس انك فعلا شايط وبتطلع دخان !
التدخين يضفى عليك سيما الوقار والهدوء ؟
لو انت بتدخن من زمان وحاولت تمشى بسرعة او تجى وتنط السلم زى العيال حاتنهج ونفسك يتكش وحاتبقى حالتك تصعب على الكافر 0
السيجارة تساعدك على تجاوز المحن والفرفشة ؟
دايما فى الافلام العربى اول البطل ما تحصل له مصيبة يطلع على الكبارية السيجارة فى ايد والكاس فى ايد وفى اخر الفلم يجوز الرقاصة 0
السجائر تقوم سلوكك وتحميك من الانزلاق فى الرذيلة ؟
ما انت لو حاولت تقرب من واحدة حاتقرف من ريحة بقك وتهشك فورا 0
التدخين يحسن علاقتك بزوجتك ؟
انت بتفقد حاسة التذوق تدريجيا فمش حتاخد بالك من طعم العك اللى بتطبخة وتوفر على نفسك البهدلة لو اتريقت على الطبيخ 0
لو كنتى بنت السيجارة بتكت المعجبين بيكى ؟
منظر السيجارة فى ايد البنت بيوحى انها مودن ومتحررة وايزى فيتلم حواليها كل الشباب اللى بيدوروا على بنت ايزى 0
السيجارة ممكن تفتح ليك باب مكسب كبير؟
لو استعملتها مع مبسم وشوية ماكياج بيلمع حاتديلك مظهر المحترفات والبيزنس يفرق معاه كتير الفرست امبرشن 0
اية رايك مش التدخين افضل ؟
ولا اتكون شخص نظيف يفوح منك عطور فواحة جميلة يتحاكى الناس عن جمال ريحها
عزيزى المدخن اسرع واكتب وصيتك فالموت لن يقرب منك لانك بالفعل ميت
انا اعلم بان كل ممنوع مرغوب
فاعلم جيدا بان الذين يحذرونك من التدخين هم الذين ينادونك لتدخن